كلمة السيسي تعليقًا على مذبحة دير الأنبا صموئيل بالمنيا

26 مايو 2017

بعد مذبحة المنيا بساعات قليلة خرج الرئيس عبد الفتاح السيسي ليلقي بيانًا قال فيه:

“الإرهابيين عارفين إن تماسك المصريين لا بد من كسره، وأنا مبقولش كلام جديد عليكم عايز المصريين يشوفوا إستراتيجية داعش لهدم مصر، وإزاي بيوجهوا رسائل إن الدولة المصرية لا تستطيع حماية شعبها، وده اللي شغالين عليه منذ الكنيسة البطرسية وطنطا والإسكندرية”.

وتابع مضيفًا “من 5 أشهر قلت للأجهزة خلي بالكم، مهمتهم في سوريا خلصت، همه دمروا سوريا خلاص، وإن المقاتلين اللي خرجوا من حلب جزء منهم هييجوا في اتجاه سيناء، وفي اتجاه المنطقة الغربية في الحدود المشتركة مع ليبيا، وإحنا عايزين ننتبه للي بيحصل، وبعد سقوط النظام في ليبيا، كنا منتبهين إنه هيجلنا شر كبير، حتى أثناء وجود النظام السابق هناك كنا موجودين على الحدود مع ليبيا، وضبطنا حوالي 1000 سيارة دفع رباعي، ودمرنا 300 عربية، وإحنا نعمل جهد كبير لحماية شعبنا وأرضنا.

إللي إنتوا شفتوه النهارده مش هيعدي كده، والمعسكرات اللي بيطلع منها الإرهاب واللي بيتم التدريب فيها، وانا باكلمكم دلوقتي تم توجيه ضربة، تم توجيه ضربة جامدة جدًّا لها، ومصر لن تتردد عن توجيه أي ضربات ضد معسكرات الإرهاب في أي مكان، واللي هيقرب من أمننا هنتصدى له، وهنقوم بضربها داخل مصر وخارجها، وأرجو أن الرسالة دي تكون واضحة للجميع، ونحن لن نتردد في حماية شعبنا من الشر وأهله، وبقول للمجتمع الدولي مرة تانية إحنا اتكلمنا في إستراتيجية لمواجهة الإرهاب في مؤتمر القمة العربي الإسلامي الأمريكي، الكلام اللي بنقوله ده لو اجتمعنا عليه واتحركنا فيه كمجتمع دولي هنقدر نصمد ونهزم أهل الشر، والدول اللي يتدعم الإرهاب وتمدها بالسلاح يجب أن تعاقب ولا تصالح معها، وأنا أوجه كلامي للرئيس الأمريكي ترامب وأقول له أنا أثق في كلامك في أن مواجهة الإرهاب ستكون مهمتك الأولى وانا متأكد يا فخامة الرئيس إنك ستكون قادر على هذا الأمر، ومرة أخرى بقول للمصريين، إوعوا وانتبهوا، صحيح إحنا مجروحين لكن ده تمن كبير دفعناه وبندفعه من أجل حرية حقيقية لبلادنا حتى لا نقع في يد التطرف والإرهاب وتصبح مصر قاعدة للراديكيالية في العالم”.