23 مايو 2019
كتبت هلين سعد سيدة مسيحية على حسابها الخاص بفيس بوك واقعة تعرضت لها بسبب عدم تغطية شعرها، أثناء نهار رمضان مما أدى لإصابتها بقطع في الرقبة.
وكتبت “هيلين” التالي: “في تمام الساعة 12 ظهرًا كنت سايقة عربيتي فى شارع صلاح سالم الموجود بالجيزة وتحديدًا بالقرب من مدرسة النهضة. حسيت إن فيه مشكلة فى العربية فركنت على جنب ونزلت أشوف الكاوتشات، وجدت الأمامية سليمة، بعدها ذهبت للكاوتشات الخلفية، وفى الوقت ده اتجه عليَّ وبسرعة شديدة موتوسكل عليه شخصين واحد منهم قالي غطي شعرك ومد إيده بحاجة على رقبتي وتسبب لى فى قطع في الرقبة. طبعًا دخلت العربية بسرعة وحطيت كيس المناديل كله على رقبتي واتصلت بصديقة قريبة من المكان إتعاملت مع الموقف بمنتهى الذكاء لغاية المستشفى ولغاية ما زوجي وصل وأكمل الإجراءات”.
وقالت “هيلين” بكتب البوست ده لأنه مش حادث فردي لكنه حدث فى الجيزة أيضًا من شهور مع أعز صديقاتي وتسبب فى جرح عميق بذراعها.
وتوجهت هيلين بعدة أسئلة للشخص الذي تعدَّى عليها؛ قالت فيها:
عاوزة أسال الشخص ده وكل واحد زيه هل إنت عارف إنك كان ممكن تسبب فى موتي؟
هل مستوعب حجم اللي عملته أو قلته؟
هل مدرك لو الشيء الحاد اللى إنت ماسكه دخل في رقبتي أكتر من اللازم كان ممكن يحصل إيه؟
أكيد دي مش أول مرة تعمل كده؟ وهل إنت بتجرب علشان تعملها تاني؟
مين أعطاك حق الأمر والنهي؟
هل أنت معدوم الأخلاق أم معدوم الضمير؟
هل أنت همجي وبلطجي أم مقتنع بأفكارك؟