17 أغسطس 2019
قال الرئيس عبد الفتاح السيسي إن أحد المساجد في مدينة الإسكندرية يعوق مشروع محور المحمودية والكوبري المزمع إنشاؤه في المنطقة، موجهًا الأجهزة الأمنية بسرعة إنهاء الأمر.
أضاف خلال افتتاح مشروعات الصوب الزراعية في قاعدة محمد نجيب العسكرية: “المسجد والمقام الكريم على دماغي لكنه يعوق الحركة (..) إحنا بنتكلم على مصلحة عامة”.
تابع: “والله النبي محمد ما يرضى بكده، إنه يتوقف الطريق ويتوقف الكوبري عشان الناس فاهمة إن ده لا يليق، قلنا شوفوا مكان حديد وإحنا نعمل مسجد جديد طبق الأصل”.
مضى قائلًا: “المساجد والكنائس لا تبنى على أرض حرام، مفروض لها أرض تتبني عليها والدولة موافقة عليها، واللي يعمل غير كده يبقى غلط، حتى من منظور ديني”، مشددًا بالقول: “محدش يتعرض للدولة في مصلحة الناس”.
وجاءت كلمة السيسي خلال الافتتاح كالتالي[1]:
أنا بس بقول لكل اللي بيسعمني في مصر. المسجد ده بالمقام الكريم اللي على دماغي ده، اللي كده، يعوق الحركة في حاجتين، المحور نفسه، والكوبري اللي هايتعمل ولازم يعدي على المنطقة دي. يعني والله والله النبي محمد صلى الله عليه وسلم ما يرضى بكده.
اللوا إيهاب موجود؟ اللوا إيهاب.. يا إيهاب.. إذا كنت أنا فاهم كويس، المحور ده، آسف، المسجد ده بالمقام ده، هو في طريق، في طريق المحور المحمودية نفسه، وإنتوا عارفين كده، وكمان الكوبري الجديد اللي هايتعمل، مش كده يا فندم؟ مش كده؟ طيب.. يا جماعة يللي بتسمعوني، يا جماعة ياللي بتسمعوني. ما أسهل علينا إن إحنا نقول لمدير الأمن بتاع إسكندرية والجيش في إسكندرية، خشوا اعملوا الكلام ده وخلصوه، لكن إحنا بنتكلم على مصلحة عامة، عامة، عامة يعني إيه؟ يعني والله والله النبي محمد صلى الله عليه وسلم ما يرضى بكده، إن يتوقف الطريق، ويتوقف الكوبري، عشان الناس فاهمة إن ده لا يليق.
ده إحنا قلنا شوفوا مكان جديد، وإحنا نعملكوا طبق الأصل
أو أحسن للمسجد ده، زي ما عملنا بيه المساجد، مش كده؟ إحنا قلنا إن إحنا في الـ14 منطقة التنموية الموجودين على محور المحمودية هانحط
المساجد والكنايس عشان الناس اللي موجودة عالمحور ده مانحرمهاش من اللي كان موجود
غلط، واللي كان موجود تعدي، والمساجد والكنائس لا تبنى على أرض حرام، تبنى على أرض
متخصصلها، يعني، مفروض لها، أرض تتبني عليها، والدولة موافقة عليها، واللي مايعملش
كده، إنت بتعمل حاجة غلط، حاجة غلط مش من منظور انضباط والتزام، لا لا، ده من
منظور ديني لو كنت عايز تفهم.
[1]السيسي: المساجد والكنائس لا تبنى على أرض حرام، قناة اون، 17 أغسطس 2019.