29 أغسطس 2019
تعرضت نانسي مجدي للتعدي عليها من قبل منتقبات داخل عربة السيدات بالمترو، حيث قامت سيدتان منتقبتان بقص شعرها مستغلات حالة الزحام الشديد بالعربة، وفرَّت السيدتان هاربتين. نانسي أشارت إلى أنها تستخدم مترو الأنفاق يوميًّا، لكنها المرة الأولى التي تتعرض فيها للاعتداء من قبل سيدات، وداخل العربة المُخصصة لهن.
وسردت نانسي الواقعة من خلال منشور لها على حسابها الخاص بموقع فيس بوك قائلة: “ركبت من محطة الإسعاف للمعادي، ومع الزحمة فضلت واقفة في المنطقة اللي قدام الأبواب، ومع التدافع في كل محطة، كنت بتزق أكتر للباب المقفول في معظم المحطات”.[1]
وتابعت: “كان فيه اتنين لابسين نقاب، واحدة وقفت ورايا، والتانية جنبي، كل اللي جه في بالي أمسك شنطتي كويس خُفت من السرقة، لكن لاقيت واحدة منهم لما الباب فتح، بتشد شعري جامد، فضلت أصرخ، محدش خد باله وافتكروني بصرخ من التدافع، وقالتلي في ودني عشان تبقي تستري نفسك”.
وأضافت الفتاة: “لما نزلوا جري وقع منهم أداة حادة على الباب، حاولت أنزل وراهم، ملحقتهومش وفضلت أعيط بشكل هيستيري على شعري اللي اتقطع”.
واستطردت “نانسي” خلال حسابها على فيس بوك: “ستات المترو منهم اللي طبطبت عليَّا، ومنهم اللي قالولي
بعد كده حصل خير، إحمدي ربنا إنها مموتتكيش، طالما متعورتيش يبقى فداكي، مش كفاية “الوشوم” اللي في جسمك دي! ماهي عندها حق برضه! وستات بتتخانق مع بعضها. وأنا بصرخ بهستيرية لحد محطة ثكنات المعادي.
[1]الحساب الخاص على موقع فيس بوك للفتاة التي تعرضت للاعتداء داخل المترو نانسي مجدي
https://www.facebook.com/noonmagdy/posts/2654103271301022