6 يناير 2017
زار الرئيس عبد الفتاح السيسي كاتدرائية الأقباط الأرثوذكس بالعباسية في ليلة عيد الميلاد 2017، وقال في كلمته:
“ربنا يحميكم كلكم، وأوجه التهنئة والتحية والتقدير للحضور وكل عام وسنة سعيدة علينا كلنا، إن شاء الله، والمشاعر الجميلة تلك متبادلة، وإحنا بنحبكم وكلنا واحد، ولازم تتأكدوا من ذلك، وزي دلوقتي السنة اللي فاتت وعدت بترميم الكنائس التي تضررت منذ 3 سنوات، والبابا لم يتحدث معي ولم يطلب أو يذكر هذا المطلوب لي وهذا حق له ولكم، وأوفينا اليوم بأن كل الكنائس التي أضيرت تم ترميمها، باستثناء كنيسة في المنيا وأخرى في العريش باقي بعض التشطيبات الخاصة بهما”.
وتابع السيسي: “السنة الجاية هتبقى 50 سنة على الكاتدرائية، والسنة الجاية هتبقى في العاصمة الإدارية الجديدة أكبر كنيسة ومسجد في مصر وأنا أول واحد هساهم في بناء الكنيسة والمسجد، وسنحتفل بالافتتاح العام المقبل، فضلًا عن مركز حضاري كبير، من أجل تعليم الناس إننا واحد، وأن التنوع ربنا خلقه، علشان نحترم هذا والاختلاف إرادة إلهية ومن يحاول تغييرها غير فاهم، ومصر إن شاء الله بينا كلنا هتشفوها كل يوم وهنعلم الناس المحبة والأمان والاستقرار، وهتشوفوا مصر حاجة عظيمة جدًّا، ولا نبغى غير السلام لينا ولغيرنا، وأي قبيح ليس له مكان والجمال هو ما سنقدمه في مصر وللعالم كله، وبشكركم على حفاوة الاستقبال وربنا يحفظ كل المصريين وبلدنا، والسنة القادمة سنحتفل بإنشاء صرح عظيم يعكس احترامنا لبعضنا البعض وديانات بعضنا البعض واختيارات بعضنا لبعض، وهنقدمها ونعيشها، وكل سنة وأنتم طيبين، وانتهز تلك الفرصة وأقول يا رب أنا هنا في بيت من بيوت الله احفظ مصر وأمن مصر ويا رب الاستقرار لمصر وبلادنا ويا رب اغنينا بفضلك عن من سواك”.